flux RSS
Paese
Meteorolugia

 L’invernu pare di ritornu oghje in Corsica induve u tempu hè grisgiu di matinata incù rivocchi d’acqua stesi è più prisenti indì u nordu. Più scarse in corsu di ghjurnata , ùn fermanu più chè nant’à u rilievu di u curtinese è in Castagniccia. U sole affacca u dopumeziornu in certi loghi. A limita poggia-neve situata trà 600 è 800 metri à l’alba, ricolla sopr’à 1000 metri. E timperature massimale perdenu trà 4 è 8 gradi cun 16 gradi in Aiacciu, 15 in Prupià, 14 per Calvi, Bastia, è Aleria, 13 in Purtivechju è 12 gradi in Corti è Bunifaziu.