Attualità

Cuppa di Francia: Corti appronta a recezzione di Nizza

I curtinesi riceveranu l’OGC Nizza u 21 di dicembre prussimu in Furiani è chjamanu u publicu à vene numerosi per susteneli. Issu scontru hà un costu, difficiule à assumà per a squadra curtinese chì conta nant’à a mubilisazione di i sustenidori, è forse dinù nant’à a generosità di a squadra prufessiunale di Nizza, chì porebbe desistesi di i 50 per centu di a ricetta. I curtinesi ponu dinù contà nant’à u sustegnu di a CAB è di u SCB, u campu di ghjocu Armand Cesari è a so logistica essendu ufferti.