U Teatrinu : Attent'à Scarafà ! luni u 7 di lugliu in Lumiu, spaziu Laetitia Casta à 9 ore

Sta nova creazione di U Teatrinu conta l'ascensione suciale di Scarafà, da a so cundizione di 'picculu malfattore' versu l'alte sfere di a sucetà isulana in u Mediterraniu sin'à e porte di u pudere puliticu. Simu in u 2034, una crisa ecunomica mai accaduta nanzu ciotta l'isula mediterrania di Sicacor ind'a miseria. E grande intraprese di u bastimentu, di u trasportu cercanu suluzione. Cusì, Scarafà li prupone i so servizii (curruzzione, assassinii...) ma preferiscenu dumandà suvvenzione pè custruì un portu novu, pè pudè svialle à prò soiu... Eppuru, Scarafà hè dinù in crisa, i so prugetti ùn viaghjanu è minaccia di dinunzià u sviamentu di e suvvenzione di u portu ch'ùn hè mai custruitu. Rialisazione di Guy Cimino. L'attori sò Pierrick Tonelli, Jean-Pierre Giudicelli, Misandra Fondacci, Sébastien Casalonga, Serena Leca, Corinne Mattei, Sampieru Medori.