Festa di a Natura i 24 è 25 di maghju à u Parcu Padulella in Moriani (San Niculaiu)

U CPIE Centru di Corsica - Rinascita organiseghja i 24 è 25 di maghju a festa di a natura in u Parcu Padulella di Moriani in cullaburazione cù a cumuna di San Niculaiu è a cumunità di cumune di Costa Verde. Un’edizione pè fà scopre à a pupulazione in modu novu a natura è a biodiversità grazia à u ghjocu. Animazione è attelli gratisi.

U prugramma hè adattu à tutti : scopre e bestie salvatiche è u so ambiente, cunnosce megliu l’insetti durante una caccia à i tesori, risolve l’enimme di un escape game pè amparà di più nant’à l’impullinisadori, participà à ghjochi pedagogichi nant’à e piante, sorte di notte pè scopre u mondu di i topipinnuti, ricunnosce e piante manghjatoghje, amparà à osservà bè a natura pè disegnalla megliu, aduprà u putere di e piante ind’un attellu di tinta vegetale.

Iscrizzione, infurmazione, descrizzione nant'à u QR codice di u situ https://www.castagniccia-maremonti.com/