A corsa o marchja Via Mulaterra si tenerà u 26 di maghju prussimu in a Pieve di Lota. In cullaburazione cù  l’associu “les voiles de l’espoir” chi prupone  tutti I dui anni  una settimana di vela  per I zitelli chi soffrenu di leucemie è chi so curati o in traccia di guari. Quist’annu ghjè a Corsica chi hè stata scelta per urganizà stu giru di Corsica in battellu per I Giovanni bastiacci, aiaccini è curtinesi. E scrizzione si ponu fà digià nant’à I siti www.lesportif.com o www.corse-chrono.fr o sopr’à piazza u 26 di maghju à parte da 7ore30. Rinsignamenti : 0687720872.

U sabbatu 8 di ghjugnu à parte da 10 ore s'apreranu i diciottesimi scontri d'arte cuntumpuranea nant'à u portu di Calvi.  L'artisti chi volenu participà à sta manifestazione ponu scrivesi vicin'à l'uffiziu municipale di turisimu di Calvi à u 04.95.65.16.67 o mandà un mail nant'à : omt.calvi@wanadoo.fr. L'artisti participanti puderanu prisentà e so opere.

Cristofanu Mondoloni hè sartinese è natu u 25 di settembre di u 1977 in Aiacciu. Ghjè à l’età di 15 anni ch’ellu ampara u cantu è a pulifunia grazia à a scola di cantu. In u 2006, entre in u gruppu miticu di Corsica : Canta  u populu corsu. In u 2008, principia una carriera solu è esce u so primu discu Distinu chì cunnosce un bellu successu in l’isula.  In u 2009 face un giru cù qualchi data à u palazzu di i cungressi d’Aiacciu è Sartè, u festivale d’Antibes, u festivale Canticellu cù l’orchestru sinfonicu Musica viva di Moscou, a scena di u bataclan in prima parte di Canta, e prime parte d’Isabelle Boulay è di Grégoire in Aiacciu. In u 2010, Canal+ utiliseghja a so versione Furtunatu, una di e più belle canzone corse, per a stagione 2 di a seria Mafiosa.  In u 2011, Cristofanu entre in studio per arregistrà “Cresce” u so secondu discu induv’è ritruvemu cullaburazione artistiche interessante è uriginale cù u gruppu A Filetta, è u canterinu è cumpunitore Ghjuvan’Paulu Poletti. Canteranu inseme in u discu a canzona “induv’è si ne và maghju”. A a fine di u 2011, u realizadore Fabien Onteniente li prupone di ghjucà u rolu di un canterinu di pulifunia (è serà unu di i dui parullaghji) per u filmu Turf ; a surtita hè prevista in l’annu 2013.  Da ghjennaghju 2012 à ferraghju 2013, hè sceltu da Alain Sachs, famosu rializadore, per ghjucà u rolu di u pastore corsu di a pezza di Marcel Pagnol “ La femme du boulanger” à u teatru Hebertot in Parigi, mà dinù un giru di 50 date à traversu a Francia è l’Europa cù Michel Galabru. U primu di lugliu 2012, esce u so discu live dopu un cuncertu in una sala parigina di u Réservoir. I primu, 3, è 4 d’aostu 2013, Cristofanu serà nant’à a scena cù Sylvie Vartan per u so ultimu giru è i so 50 anni di carriera trà Aiacciu, Marseglia è Nizza.