Festivale Arte in machja da u 18 à u 20 di settembre in Venacu

A fabrica culturale Casell’arte prulungheghja l’estate da u 18 à u 20 di settembre cù a quinta edizione di u festivale Arte in Machja, un appuntamentu natu da a vuluntà di creà una stonda maestra nant’à discipline chì Casell’Arte accumpagna l’annu sanu : u cinema, l’arti plastichi è a musica. V’aspettanu prughjezzione, cuncerti, scontru, spassighjata ballata, siesta musicale, visite guidate di u percorsu di l’arti visuali… Ci vole à sapè dinù chì Casel’larte hè un associu venachese. Specialisatu in i duminii di u cinema è di l’arti visuali, prupone un spaziu di creazione è di riflessione in u quadru naturale di l’usteria E Caselle. Casell’arte organiseghja dinù tempi di scontru è di mediazione à prò di tutti.

Venneri u 18 di settembre​

​​5 ore : visita guidata di u Percorsu Arte. Iscrizzione : alice@casellarte.org

6 ore : restituzione di i film rialisati in attellu cù a rialisatrice Julie Perreard

​9 ore : prughjezzione di u filmu “Planètes” di Momoko Seto. Un filmu d’animazione è di fintascenza selezziunatu à a settimana di a critica in u 2025.​​

Sabbatu u 19 di settembre

11 ore : Cuncertu in u filu di l'acqua cù un artistu invitatu

3 ore : scontru di musica è cinema cù a cineasta Danielle Arbid è u canterinu libanese Bachar Mar-Khalifé.

5 ore : spassighjata ballata cù u musicante Laurent Gueirard è a ballarina Laetitia Brighi nant’à u percorsu d’arte visuale pè una spassighjata sunora è incarnata.​

7 ore :  Cuncertu di Bachar Mar-Khalifé. E so cumpusizione mischjanu jazz, musica classica è musica tradiziunale libanese.

​9 ore :  Prughjezzione di u filmu “Seuls les rebelles” cù a rialisatrice Danielle Arbid. Stu filmu mette à l’onore l'amore trà duie persone malgradu e differenze è un’allusione precisa à u Liban d’oghje ghjornu. Musica di Bachar Mar-Khalifé.

Dumenica u 20 di settembre

​2 ore :  visita guidata di u Percorsu Arte. Iscrizzione : alice@casellarte.org

3 ore: Siesta musicale cù Dream Machine di Pasqua Pancrazi chì hà rialisatu un muntame sunoru ind’a pineta di Venacu. Cumpusizione originale, stratti d’arrigistramenti, memurisazione di un’infurmazione vucale, publicità TV, video, stratti di filmi : tante materie chì facenu u so universu è arricchiscenu a so riflessione creativa è filosofica nant’à un’epuca chì sembra cuntene troppu infurmazione.

Infurmazione : www.casellarte.org