U dischettu cullettivu KCantà di difesa di e lingue regiunale

Dopu u successu maiò di Corsu mezu mezu, chì hà addunitu artisti di a canzona francese è corsi pè cantà inseme canzone corse, hè natu u novu prugettu musicale cù l’esciuta di u dischettu cullettivu KCantà iniziatu da i canterini baschi Anne Etchegoyen è Patxi Garat pè difende e lingue regiunale. A canzona Kcantà hè federatrice, un innu à e culture regiunale. Pè st’aventura musicale, participeghjanu Francine Massiani è Petru Santu Guelfucci, l'Alsazianu Matskat, a Martinichese Valérie Louri, a Brittona Clarisse Lavanant, l'Occitanu Yvan Cujious, ma dinù Francis Cabrel, Dan Ar Braz, Cali, Claire Keim, Anne Etchegoyen, Patxi Garat è altri. 

Cusì, l’artisti volenu mette in risaltu a ricchezza di e lingue regiunale è favurizà a so diffusione in i media. Tutte ste lingue si scontranu in un listessu abbrivu artisticu, cuncugliendu e sunurità è e sensibilità d’ogni territoriu. Fora di a musica, Kcantà hè una vera dichjarazione d’amore. Ogni canzona canta una storia, trasmette un’identità è rammenta l’impurtanza di priservà stu patrimoniu culturale unicu. Cù stu prugettu, Anne Etchegoyen è Patxi Garat offrenu un’opera federatrice chì festighjeghja a diversità culturale è mostranu chì e lingue regiunale sò elementi di u paisaghju musicale d’oghje. Dunque, stu novu dischettu Kcantà puderebbe avè listessu successu chè Corsu Mezu Mezu.