Secondu cungressu storicu di a Corsica da u 9 à l’11 di maghju

L’Associu pè u Cungressu storicu di a Corsica organiseghja da u 9 à l’11 di maghju a seconda edizione di u so cungressu “Isula chjosa, isula aperta”. L’evenimentu, apertu di rigalu à u publicu, permette di fà scuntrà sfarenti attori di a ricerca scientifica è di e pratiche culturale in leia cù a storia, a storia di l’arte è di l’archeolugia in u duminiu corsu. A manifestazione hè diretta da Michel Casta, Jean-Charles Ciavatti, Philippe Colombani, Antoine Franzini, Pierre-Claude Giansily è Patrick Ferreira.

L’occasione di fà u puntu nant’à e sfarente filiere è discipline pè mette in risaltu l’evuluzione di e so pratiche. L’invitati sò cercadori, archivisti è cunservadori, rispunsevuli di musei o di bibliuteche, editori o rispunsevuli di sucetà sapiente è di riviste. Un scontru arricchitu da e rilazione cù cercadori di u mondu tirrenu, Italia, Sardegna. E cumunicazione è l’attelli seranu publicati. Pè a prima volta,  cinque studianti in storia-geografia, Lingua è Cultura corsa, Percorsu di Guida cunferenzera di l’Università di Corsica presenteranu e so ricerche. 

U prugramma : lama.corsica