Nutiziale culturale

«Aspittendu à Pasquale Paoli», rialisatu da Orlando Forioso, in Purtivechju u 4 d'aprile è u 10 à u museu di Bastia

A cumpagnia TeatrEuropa presenta u spettaculu « Aspittendu à Pasquale Paoli», rialisatu da Orlando Forioso, venneri u 4 d'aprile à a sala rossa di Purtivechju à 8 ore è mezu è ghjovi u 10 à 6 ore è mezu ind'a corte di u museu di Bastia. Un’opera teatrale originale ispirata da i scritti storichi è e currispundenze di Paoli chì presenta l’omu daret’à u mitu di u « Babbu di a Patria ».

A truppa di TeatrEuropa prupone un viaghju tempurale novu ciuttendu u spettatore in core di u seculu di i Lumi è di i cumbatti pulitichi di a Corsica di u XVIIIu seculu. Scritta da Orlando Forioso, in cullaburazione cù Anne-Laure Cristofari, u teatru, a musica è e fiure permettenu di riprisentà a vita è e cuntradizzione di l’eroe corsu, luntanu da e banalità storiche. Avemu dinù u populu in cerca di libertà, nemichi curendu l’omu di Statu, ammiradori di Paoli cum’è James Boswell o Napulione Bonaparte. Nant’à a scena, una decina di cumedianti è musicanti corsi, frà elli Nicolas Torracinta è Jean Castelli,  ghjocanu st’affrescu storicu sustenutu da a Cullettività di Corsica.