Nutiziale culturale

A chjama di Scola Corsa pè nove iscrizzione di zitelli

E scole associative d’insignamentu immersivu in lingua corsa anu un bellu successu. Creata in u 2020, Scola Corsa cresce ogni annu un pocu di più è adunisce oghje centinaie di ghjente imprimurita di tramandà a nostra lingua. Oghje st’organismu conta quattru siti in Bastia, Biguglia, Corti è Sarrula Carcupinu, 11 insignanti, 11 aiute materne, 3 persunali amministrativi, quattru associ di parenti per rege e scole, una federazione è sopratuttu 200 zitelli ch’imparanu a so lingua è a sparghjenu in casa !

Voi dinù, iscrivite i vostri figlioli, sustenite à Scola Corsa, rinfurzate a dinamica ! E iscrizzioni pè a rientrata 2025-2026 sò aperte in e quattru scole.

Ci vole à sapè dinù chì Scola Corsa s’appronta à apre un situ novu in paese di Lucciana.

St’ultimu accoglierà zitelli in piccula sezziò (nati in 2022). Per impegnavvi in u prugettu o avè rinsignamenti pè l’iscrizzioni, pudete cuntattà : 06 29 65 76 42 – o mandà un messagiu à associu@scolacorsa.corsica.