Nutiziale culturale

A Cullettività di Corsica crea Ghjuventù, a nova appiecazione pè i giovani da 11 à 30 anni

St’ultimi anni, a Cullettività di Corsica hà decisu di cunnosce megliu i bisogni di i giovani. grazia à in particulare à l’assise di a giuventù. Unu di i primi prublemi chì hè statu trovu hè a mancanza di trasmissione di l’infurmazione è di visibilità pè i dispusitivi. Face chì parechji giovani ùn cunnoscenu micca aiuti ch’elli puderebbenu riceve, cum’ella dice Lauda Guidicelli-Sbraggia, a cunsigliera esecutiva incaricata di a giuventù, di i sporti, di l’ugualità trà l’omi è e donne durante a presentazione in Bastia di l’appiecazione Ghjuventù. Sta nuvità, nata da una vuluntà pulitica, addunisce in un solu arnese numericu tutti i dispusitivi di sustegnu lanciati dapoi a prima versione di u Pattu di a ghjuventù in u 2018. Nant’à st’appiecazione, sò ricensati tutti l’aiuti pè i giovani da 11 à 30 anni pruposti da a CDC. Da l’aiutu à u finanzamentu di u permessu di cunduce à l’aiuti à a mubilità internaziunale, l’abbunamenti à l’ufferte di trasporti. Avete dinù attualità è infurmazione. Offerte micca care è idee di surtite sò pruposte dinù nant’à una carta chì lucaliseghja l’associ è cumerci partenari. U giovanu hè invitatu à rinsignà e so attività preferite pè adattà l’appiecazione à e so brame. 

Dopu avè creatu u so prufile persunalisatu, l’utilisadori puderanu cunnosce a so cagnotta pass cultura, sporti'pass secondu e so cundizione di risorsa ma dinù simulà i so aiuti in u quadru di u dispusitivu prima strada, di l’aiutu à a riesciuta, à l'insignamentu supranu, à a mubilità o ancu à i trasporti. L’utilisadori puderanu fà tutte e so dimarchje nant’à l’appiecazione. Altra nuvità : a creazione d’un portamuneta virtuale chì permette à e persone di vede u so bugettu pè pagà i partenari direttamente da u so smartphone.