Attualità

Un pentone si n’hè sfundatu nant’à a strada territuriale 20 trà i loghi Accendi Pippa è Funtana Secca. Un ci hè statu nisun feritu. A circulazione hè attualmente impussibile. I travaglii di stablisazione di a pareta è di sgumbramentu di a strada sò in corsu. Una deviazione deve esse stabilita è per rendesi in Bastia l’automobilisti devenu piglià a balanina, a Dipartimentale 81, è a strada di l’Agriate, per raghjunghje San Fiurenzu. Listessu parcorsu in l’altru sensu. Si pò sperà l’apertura d’una sola via versu 6 ore di sera.