2 di lugliu
A mostra 'Acqua, l’eau dans tous ses états'
A nostra isula hè in osmosa cù l’acqua. Bagna e so coste è annacqua a so storia. L’acqua rimanda à u sacru, à a purificazione, à i miti è à l’arte. L’acqua pò fà tuttu è u cuntrariu di tuttu. Fà nasce è inghjotte, rinfriscà è assufucà, guarì è strughje. L’acqua hè dinù una fonte d’ispirazione, annacqua l’imaginazione. Ci hè dinù u talenti d’artisti fotograffi, chì ci facenu entre in e bellezze è e disgrazie di u mondu, induve l’acqua salva è à tempu sacrificheghja. Cusì, Christian Buffa, fotograffu, cumissariu di sta mostra, è presidente di l’associu Sguardi, presenta un’odissea nant’à tutti i stati di l’acqua da a Corsica à l’orizonti luntani, mettendu e nostre emuzione in bullore cù i ritratti di Éric Bourret, Andreas Müller-Pohle, Philippe Chancel, Franck Seguin, Mathieu Rivrin, Franck Vogel, Kamil Zihnioglu, Marc Pollini è Sébastien Arrighi.
L’organisadori anu vulsutu cuntà a storia di l’acqua, da a vita à a morte, à a distruzzione. L’acqua à livellu eculogicu, ecunomicu, religiosu. In i so ritratti, Eric Bourret a presenta cum’è elementu fundatore. À gallu, l’acqua hè cosmica cù un aspettu di galassia, di tufone neru. In altrò, l’acqua simbuliseghja u principiu di a vita in corpu à a mamma. In quant’à u travagliu di Franck Vogel, ritratti nant’à u fiume Jourdain mostranu l’ambivalenza di l’acqua, trà rinnovu spirituale, prumessa di vita eterna cù a ghjunta di cristiani ghjunti à fassi battisà cum’è Ghjesù Cristu in stu fiume più di duiemila anni fà ma à tempu a mancanza d’acqua à l’inghjò di u fiume, locu di pasculu pè e pecure di i pastori palestinani. Cusì, a trasizione hè fatta cù a seconda parte di a mostra induve l’acqua palesa tutti i prublemi di a nostra epuca. Cù a so seria “Hong Kong water”, Andreas Müller-Pohle presenta e cunsequenze di e zone litturale troppu urbanisate è pulluate. À tempu, l’acqua ùn hè micca solu vittima, ma dinù divastratrice per esempiu cù ritratti di Philippe Chancel nant’à a catastroffa di Fukushima in u 2011. Infine, l’acqua hè dinù prumessa di rinnovu cù u travagliu di Kamil Zihnioglu nant’à a regione d’Orezza è a spluttazione di a famosa surgente.
Mostra 'Acqua, l’eau dans tous ses états' à l’arsanale di Bastia, in citadella sin’à settembre, da marti à dumenica, da 10 ore à 6 ore è mezu. Di settembre, hè trasferita à u centru culturale L’Alboru è d’ottobre à l’università di Corsica.
Artisti
Festivale Arte in machja i 6, 7 è 8 di settembre
30 d'aostu | Venacu
Camini in Corsica sana: l’arte in core di i paesi corsi
16 d'aostu | Macà Croci, Bilia, Olmu, Santa Lucia di Tallà è Altiani
Lettera di a luna, u novu dischettu di Chjar di Luna
30 di lugliu | Corsica
Da un'isula à l’altra, u novu dischettu di Stefanu Pinelli
26 di lugliu | Corsica
A leia chì ci leia, u novu dischettu d’Eric è Jeff Mattei
26 di lugliu | Corsica
Mostra Luce etrusca - Parures féminines étrusques à u museu d'Aleria
24 di lugliu | Aleria
Mostra Corsica Rumana à u museu di Bastia da u 6 di lugliu à u 21 di dicembre
5 di lugliu | Bastia
U prugettu Umani Terra di u canterinu Vincent Colonna, dettu La petite culotte
2 di lugliu | Mondu
A mostra “Tribbiera” à e vigne Culombu di Lumiu
2 di lugliu | Lumiu
Mostra “Nozze in Mediterraniu” ind'a caserna Padoue di Corti sin’à u 31 d’ottobre
28 di maghju | Corti
Seconda biennale d'arte cuntempuraneu De Renava sin'à u 2 di nuvembre
10 di maghju | Bunifaziu
L'affrescu di storia è di memoria in Cervioni
24 d'aprile | Cervioni
Noi, u primu dischettu di u gruppu L’Avvinta
23 di marzu | Corsica
Eterna lotta, u novu dischettu di L’Arcusgi pè i so 40 anni
16 di marzu | Corsica
A pruduttrice aiaccina di cinema Marie-Ange Luciani, premiu Daniel Toscan du Plantier 2024
17 di ferraghju | Parigi
'A me lengua', un dischettu in lingua bunifazinca
21 di dicembre | Corsica