Cismonte
14 di settembre
14 di settembre
Arte Mare, u festivale di u filmu è di e culture mediterranie da u 27 di settembre à u 12 d’ottobre
Sta 42a edizione hà una prugrammazione mischjendu cinema cù più di settanta filmi diffusati nant’à cinque siti, litteratura, musica, pittura è gastronumia nant’à u tema “ Chì ci hè di novu o duttò ?” chì prumette numerose surprese. U tema rimanda à a famosa dumanda di Bugs Bunny pè una quistione d’attualità. A risposta à sta dumanda serà artistica è culturale. Cusì dice Michèle Corrotti, presidente di l'associu Arte Mare ancu s’ella ùn hè micca sicura chì Bugs Bunny aspetti una risposta. Per via di a chjuditura di u teatru, u festivale serà stallatu à i Centri Culturali l’Alb’Oru in Lupinu-Bastia, Carlu Rocchi in Biguglia, i cinema le Régent di Bastia, U Paradisu in Furiani, e bibliuteche è mediateche di Bastia è di Castagniccia, a Galleria Noir & Blanc di Bastia. I filmi seranu scumpartuti in parechje cumpetizione, in particulare e cumpetizione mediterrania, di u filmu corsu, di e scole di cinema, è averemu dinù tutti i filmi chì seranu diffusati nanz’à a so surtita ufficiale.
In più di u cinema, a litteratura serà à l’onore cù u premiu Ulysse chì hà da ricumpensà a rumanzera taliana Milena Agus pè a so opera, è Sara Vallefuoco pè u so primu rumanzu. In quant’à a musica, un’« Open air party » hè prevista sabbatu u 28 di settembre davant’à L’Alboru, cù à u prugramma Moon Acoustic Live, un gruppu di musica lounge, pop rock, in parechje lingue. U 5 d’ottobre, cuncertu di l’orchestru d’armunia regiunale « Corsica armonia », induve si trova a Lira Municipale Bastiaccia, l’orchestru Aria d’Aiacciu, è altre furmazione.
L’arti visuali seranu dinù riprisentati cù parechje mostre. A galleria Noir & Blanc accuglierà a mostra « Arte è salute », mettendu in risaltu l’opere di l’artisti di A Sulana, un stabilimentu chì accoglie persone senza casa. Un’altra mostra di Zelda Colonna à l'Alb’Oru, presenterà i so anni di ricerca è di sperimentazione nant’à a persona cum’è ogettu di medecina cuntempuranea. D’altrò, a bibliuteca patrimuniale spunerà tavule anatomiche risturate di u duttore Antomarchi.
U festivale propunerà dinù gastronumia cù un risturante di poca durata à L’Alboru è e so cene nustrale imaginate da u capicucinaru Quentin Sanchez di u risturante La Corniche in San Martinu di Lota, è appruntate da Sandrine Farrugia, una cucinara prufessiunale sperimentata. Infine, Arte Mare accuglierà persunalità diverse cum’è Pierre Jolivet, Sandrine Kiberlain, François Rollin, Eric Fraticelli, Hélène Frappat, Sofiane Zermani, Christophe Bourseiller, è tant’altre. E riservazione, i pass è biglietti sò in vendita nant’à u situ https://www.arte-mare.corsica/.
Evenimenti
Quarta Currilingua u 28 di sittembre da Sartè à Cavru
11 di settembre | Da Sartè à Cavru
Libri Mondi à u museu di Bastia i 13,14 è 15 di settembre
11 di settembre | Bastia
I scontri di u cantu pulifonicu in Calvi
7 di settembre | Calvi
I dece anni di u spaziu Carlu Rocchi in Biguglia
3 di settembre | Biguglia
Settembrinu di Tavagna
28 d'aostu | Costa Verde
I cinquant'anni di a rivista Rigiru
27 d'aostu | Vizzavona
Rubutiscola : l’unione di a lingua corsa è di a rubotica
8 di ghjugnu | Prunelli di Fiumorbu
STC : 40 anni !
30 d'aprile | Corsica
Prima guerra mundiale: L'associu Aiò Zitelli mantene a memoria di i suldati corsi
29 di marzu | Corsica è Francia
Riapertura di u Parcu Galea in Tagliu Isulaccia dumenica u 17 di marzu di u 2024
8 di marzu | Tagliu Isulaccia
L’estru canterinu d’Anghjula Potentini : vint'anni di carriera
24 di ferraghju | Corsica
Felì è u giru storicu pè i so 35 anni di carriera
24 di ferraghju | Corsica è Francia
Inaugurazione di u Centru d'Interpretazione di l'Architettura è di u Patrimoniu Aiacciu Bellu
15 di ferraghju | Aiacciu
I 20 anni di l’emissione Cabaret di RCFM
27 di ghjennaghju | Biguglia
I 40 anni di a casa d’edizione Albiana
23 di ghjennaghju | Aiacciu
U catalogu di a mostra “Corsica 39-45 I Corsi è a seconda guerra mundiale', museu di Bastia
12 di ghjennaghju | Corsica
I 50 anni di a rivista Etudes corses et méditerranéennes à l’edizione Albiana-ACSH
6 di ghjennaghju | Corsica
Un novu diplomu di Statu di prufessore di musica tradiziunale è canti corsi
2 di ghjennaghju | Aiacciu è Corti
Sustegnu à RCF Corsica
21 di nuvembre | Aiacciu