Assassiniu di Poretta : annullazione di u cuntrollu ghjudiziariu di Joseph Menconi

Dui anni è mezu fà, Joseph Menconi era messu in esame è piazzatu sott’à cuntrollu ghjudiziariu in u quadru di u doppiu assassiniu di Poretta, accadutu u 5 di dicembre di u 2017. Di settembre scorsu, hè statu arrestatu in Bastia in u quadru di a prova d’assassiniu contr’à Guy Orsoni cummessa u 13 di settembre di u 2018. St’arrestazione s’hè fatta in Cismonte allora chì u cuntrollu ghjudiziariu l’interdisce di rendesi in stu dipartimentu. Ciò chì hà pruvucatu l’annulazione di u cuntrollu ghjudiziariu. A difesa hà fattu appellu di l’annullazione di stu cuntrollu. José Menconi hè messu in esame è incarceratu pè l’affare Orsoni.