Attualità

Bluccame di i porti è campi d’aviazione di Corsica

Discussione sò state ingagiate trà Gilles Simeoni è Catherine Vautrin, a ministra incaricata di u cartulare corsu. Sta mane, i voli d’Air Corsica, cuncernati da a Delegazione di Serviziu Publicu, anu pussutu parte pè Parigi, Nizza è Marseglia. Ramentemu chì u bluccame hè statu decisu dopu l’annunziu da u riprisentente di u Prefettu di regione, d’ùn andà più in u sensu di u modu di gestione iniziatu da a Cullettività di Corsica è a camera di cumerciu, versu a creazione d’un sindicatu mistu apertu pè gestì i porti è campi d’aviazione di l’isula.