Nutiziale culturale

Camini in Corsica sana: l’arte in core di i paesi corsi

Da u 17 d’aostu à u 22 di settembre, a terza edizione di Camini in Corsica Sana animerà sei paesi corsi grazia à una prugrammazione artistica diversificata cù musica, ballu, teatru è arti plastichi pè una stonda di scontru è di spartimentu. Un evenimentu itinerante purtatu da l’associu Art & Noces troubles pè avvicinà artisti è persone chì sò luntani trà di elli. Ghjè una dimarchja di decentralisazione culturale cù spettaculi di qualità gratisi pè favurisà a scuperta, sustene a creazione isulana.

Sti camini permettenu dinù un’immersione. Durante trè ghjorni, l’artisti steranu in ogni paese, prupunendu stonde di creazione è di scambii à l’abitanti. Cusì si rinforza e leie trà u publicu lucale è i creatori. E festività principianu i 17 è 18 d’aostu in Macà Croci cù u Tàlcini Orchestra, una furmazione di manduline. Dopu, u paese di Bilia accoglie La Danzateria i 22, 23 è 24 d’aostu pè un spettaculu curegraficu mettendu in risaltu e donne di u paese. I 30 è 31, in Olmu e creazione visuale di u cullettivu P2K2. Di settembre, in Canari, e perfurmenze d’Orso in parechje discipline i 12, 13 è 14. Infine, Santa Lucia di Tallà è Altiani compieranu stu percorsu artisticu rispettivamente cù un spettaculu pè i giovani A Funicella da u 19 à u 21 di settembre è a musica classica di u Trio Élixir da u 20 à u 22 di settembre.