Nutiziale culturale

Cullocchiu nant'à u dirittu à a felicità in Corti i 9 è 10 d'aprile

Hè organisatu da u laburatoriu LISA Università di Corsica/CNRS è a Catedra Unesco « Devenirs en Méditerranée ». L’evenimentu entre ind’a cuntinuità di u prugramma di ricerca « Paoli-Napulione ». Hè fundatu nant’à parechje tematiche di riflessione in leia cù numerose discipline ghjuridiche, filosofiche, pulitiche è socio-ecunomiche :

• U dirittu à a felicità à i Stati Uniti d’America, da u XVIIIu seculu à oghje (testi, ghjurisprudenza) ;

• Bolivar è a « felicidad » ;

• U dirittu à a felicità ind’a Corsica di Paoli ;

• U dirittu à a felicità in i testi custituziunali francesi ;

• U dirittu à a felicità ;

• Dirittu à a felicità : una felicità individuale o cullettiva ? ;

• Dirittu à a felicità è diritti suciali (dirittu à u travagliu, à a salute, à l’educazione… ) ;

• U Bhoutan et son Bonheur National Brut (BNB) ;

• Misurà a felicità ? L’indicatori socio-ecunomichi di a felicità ;

• L’avvicinamentu filosoficu di a felicità (Antichità, XVIIIu seculu, dibattiti attuali) ;

• Felicità è Republica.

L’atti di u cullocchiu seranu publicati in u numeru 6 di a rivista Lumi, nant’à i Lumi è e rivuluzione (m3c.universita.corsica/lumi)