Attualità

Cundannazione di Marine Le Pen: l’elettori corsi di u RN mubilizati

Cundannata da u tribunale di Parigi à cinqu’anni d’ineligibilità subitanea assurtiti di quattru anni di prigiò, frà elli dui sott’à braccialettu elettronicu è 100 000 euri d’amende, per sviamentu di fondi publichi in l’affare di l’assistenti parlamentarii, Marine Le Pen hè priva di candidatura à e prussime elezzione presidenziale. L’eletturatu corsu punta a dimensione pulitica d’issa cundanna. Marine Le Pen hà fattu appellu è spera un novu prucessu à l’infuria, per pudè lancià à so campagna per e presidenziale.