L'avvene di l'Acque d'Orezza deverebbe esse firmatu prestu

L’avvene di l’Acque d’Orezza deverebbe esse firmatu prestu.  U parafu  di u rinnuvellamentu d’un cuntrattu trà à Culletività è a gerente Marie-Laurence Mora, deverebbe fassi nanzu u 23 di ferraghju, data di fine di u cuntrattu attuale. Un ultima mudificazione ghjuridica è qualchi  currezzione in u cartulare averebbenu permessu à a CDC è a direzzione di l’Acque d’orezza di truvà un accordu. Per i quatr’anni à vene, l’avvene di l’acqua d’Orezza si scriverà cun l’attuale gerente.