Drama di Furiani : e cummemurazione

Oghje, hè u 29 anniversariu di a catastroffa di Furiani. U cullettivu di u 5 di maghju di u 1992 organizeghja parechje animazione in memoria di e vittime. A 4 ore, addunita davant’à a stela di Furiani. A 6 ore, messa à a catedrale Santa Maria di Bastia. Una video cuntenendu un sundagiu in carrughju, selfies è disegni di zitelli, hè diffusata tutta a ghjurnata vicinu à a Stela è nant’à e rete suciale di u cullettivu. In Bastia, à u chioscu à musica di a piazza San Niculaiu, ci hè un affissu di disegni di zitelli è selfies da u 5 à u 9 di maghju.