Attualità

Dumenicata di ballò

U SCB ùn hà micca trovu a suluzione contr'à una furmazione di Clermont Foot bè urganisata è si deve cuntentà di u puntu di a parità. À a classifica, u SCB hè nuvesimu cù 13 punti. U prussimu scontru  per i turchini, hè marti chì vene, 22 d’uttobre, è si spiazzeranu in Pau per un scontru previstu à 7 ore è mezu.  

L’ACA ghjoca issu dopu meziornu à 2 ore in Amiens. Privu da parechji ghjucadori titulari, Mathieu Chabert conta nant’à i giovani di u centru di furmazione. 

In naziunale 2, U FC Balagna riceve Thionville mentre chì Furiani si dispiazza à Epinal. I balanini è i Furianinchi occupanu respettivamente a quinta è sesta piazza di a classifica.

In Naziunale 3, gruppu D, u FC Borgu riceve Bretigny è l’ACA di dispiazza à Oissel. U SCB ghjoca dumane in Saint Ouen.  

D’altrò u Gallia Lucciana si dispiazza oghje à Le Cannet, Corti à Fos sur Mer, è u Sudu FC riceve Rousset dumane.