Attualità

Elezzione à a camera d’agricultura : i risultati cunnisciuti sta sera

I spoglii si facenu dapoi sta mane pè l’elezzione à a camera d’agricultura è ùn seranu cunnisciuti nanz’à sta sera. Ramentemu chì duie liste si presentanu : “À l’iniziu una terra” cù cum’è capu di fila Jean-Baptiste Arena. Hè quella di l’unione trà Mossa Paisana è Via Campagnola. Hè sustenuta da a cunfederazione paisana è a cuurdinazione rurale. Dopu, a lista d'unione “Terra Nostra” cundutta da Joseph Colombani. Hè sustenuta da a FDSEA è i giovani agricultori. U percentuale di participazione generale hè di 52,6 %. Stu percentuale cunnosce assai variazione trà i cullegi di st’elezzione.