Attualità

Francescu Berlinghi si n'hè andatu à l'altru mondu

Francescu Berlinghi si n'hè andatu à l'altru mondu è l’annunziu di a so morte hà spartu u so velu di tristezza in tutta a Corsica. Era u merre di Peru Casevechje, u so paese ch'ellu tenia tantu caru. Era u vicipresidente di a cumunità di cumune di a Costa Verde, u territoriu ch'ellu bramava di vede sviluppassi. Era omu di teatru è di sinemà, persunalità di u mondu culturale. Un mondu induv'ellu s'impegnava cun passione è riesciuta.

Era statu dinù prufessore d'ecunumia è di gestione à u liceu Giocante di Casabianca di Bastia. Una persunalità attaccante è un omu affezziunatu da tutti. A cultura corsa hè in dolu è saluta l’artistu !