Nutiziale culturale

I 50 anni di l'evenimenti d'Aleria : participate à ssa memoria !

I 50 anni di l’evenimenti d’Aleria s’avvicinenu. L’associu Aleria 75 s’impegna dapoi u 2014 da cummemurà ss’evenimenti ch’anu marcatu a Corsica è operatu un ciambuttamentu ind’è a storia cuntempuranea di a nostra isula.

U 22 d’aostu 2025, l’associu vole urganizà un umagiu à u livellu di ciò ch’elli sò stati ss’evenimenti. S’impegna pè a realisazione d’un prugettu memuriale è didatticu da pudè tramandà à tutti, è pè u più à a giuventù, a storia di u nostru paese.

Ci pudete partecipà, è site ancu chjamati à sustene. Ci hè bisognu di soldi, è l’associu Aleria 75 hà lampatu una chjama à u populu, da chì ssu prugettu « sia d’unità, senza culore, ch’ellu sia quellu di u populu corsu ».

Sè vo avete documenti, ogetti, fottò di st’epica, scrivite à l’associu Aleria 75 (indirizzu quì sottu).

U presidente di l’associu, Alanu Peraldi, u tesurieru, Bernardu Pantalacci, è u secretariu, Andrìa di Scala, vi chjamanu à porghje u vostru sustegnu, mandendu :

– un sceccu à : Aleria 75, route de l’Étang de Diana, BP 1, 20270 Aleria.

– un trasferimentu bancariu : IBAN FR76 1131 5000 0108 0319 8668 375

Pudete dinù pacà in linea cù u QR codice. •