Attualità

Prima disfatta per u FC Balagna à dumiciliu

In naziunale 2, contr'à Bobiny, u FC Balagna hè statu disfattu 1/2 nant'à u so campu di ghjocu Jacques Ambrogi. Una disfatta chì accentueghja u scartu di punti trà e duie squadre, rispettivamente terza è seconda, moltu più chì a squadra corsa venia d'esse sanzziunata d'un ritiru di trè punti. Malgradu una franca duminazione in u secondu tempu di a partita, u FC Balagna hà cuncessu a so prima disfatta à dumiciliu.

A squadra di Furiani hà fattu un risultatu paru in Chantilly 1 à 1.

In naziunale 3, Corti in gattiva pusizione à a classifica  hè statu disfattu da u FC Rousset, a squadra in testa (0/1). Malgradu a disfatta, Corti hà mustratu una mutivazione di cunquistadori, à qualchi ghjornu di u scontru di cuppa di Francia contr'à Nizza.

U Sud FC chì si dispiazzava à Ales hà persu 1/0 u so ultimu scontru di l'annata. U SCB s’hè impostu contr’à l’ACA 3 à 1.