Nutiziale culturale

I scontri di u cantu pulifonicu in Calvi

36a edizione cù una quindecina di cuncerti è scontri, intervenzione in e scole è una cullaburazione cù A Filetta. Un evenimentu organisatu da U Svegliu Calvese.

Luni u 9, e nanne di u gruppu feminile pulunese Sutari à 9 ore è mezu ind’a catedrale San Ghjuvan Battista. Sempre in a catedrale, marti u 10, à sei ore, Rachele Andrioli è à 9 ore è mezu, Nino de Elche pè u cuncertu di flamenco. Mercuri l’11, à 11 ore di mane, canterà Mazhar è e so musiche di u Levante à u caffè lounge ind’è Tao.

À 6 ore à a catedrale u gruppu Zéphyr. À 9 ore è mezu, piazza d’arme, A Filetta, u trumbettistu talianu Paolo Fresu è u musicante di jazz Daniele Bonaventura.

Ghjovi u 12, ind’è Tao à 11 ore di mane, u gruppu occitanu Duò Lavoà Lapò. À 6 ore, à a catedrale, Telli Turnalar è e musiche tradiziunale d’Anatulia. A 9 ore è mezu sempre à a catedrale, cuncertu di Constantinople è Ghalia Benali.

Venneri u 13, à 11 ore di mane, ind’è Tao : e musiche di i populi di u fretu pruposte da Frank Tenaille. 6 ore à a catedrale u gruppu brittonu Kanour Noz è à 9 ore è mezu Joulik Musique (pè musiche di i mondi è creazione). 

Sabbatu u 14, à 11 ore di mane, Julia Colom, chì vene da Majorque. 6 ore, cuncertu di leva in purleva d’Anna Rocchi è Doria Ousset. 9 ore è mezu, piazza d’arme, cuncertu Calusgiule à l’ultimu cù i participanti à i scontri.