Attualità

In Purtivechju l’autore di e cultellate cundannatu

Dumenica scorsa in Purtivechju una baruffa hè schjattata trà dui omi, è frà elli un omu hè statu feritu da cultellate. Nassir Hamza, un omu di 44 anni senza dumiciliu fissu, prisentatu cume l’agressore, hè statu cundannatu in cumparuzione subitanea per viulenze cun arme, à quattr’anni di prigiò, dece anni d’interdizzione di territoriu naziunale è cinqu’anni d’interdizzione di pusessu d’arme.

Un giovanu di 22 anni serà ghjudicatu luni in cumparuzione subitanea, per avè feritu à cultellata un antru omu di 24 anni, u 26 marzu scorsu in u quartieru di e Canne in Aiacciu.  Trè persone, frà elle un minore, sò state interpellate in st’affare. Duie sò state lasciate libere eri senza nisuna carica. U terzu Hamza Bikri hè statu prisentatu à un ghjudice, è sott’à cuntrollu ghjudiziariu sin’à l’audienza di luni.