Inaugurazione di u mulinu à castagne in Ghisoni

Ghisoni
7 di ghjennaghju

Inaugurazione di u mulinu à castagne in Ghisoni

In core di e muntagne, u paese di Ghisoni hà fattu rinvivì una tradizione seculare cù l’inaugurazione di u so primu mulinu à farina castagnina di dicembre scorsu cù a presenza di u Cardinale Bustillo. Un prugettu di a merria pè valurisà u patrimoniu lucale è dà pruspettive ecunomiche à i paisani. Hè statu cuncepitu da l’artigianu Auguste Jaeger pè pruduce in modu sperimentale una tunellata di farina ma certi pensanu à pruducene sin’à trè à quattru. Cù 500 chilò di farina, un agricultore pò ottene da 7000 à 8000 euri di benefizii. A merria prevede di cunfidà a gestione à un prufessiunale ma lascendu a pussibilità di sfruttallu à i paisani.

In più, a casa cumuna di Ghisoni vole investì ind’un seccu à gasu pè ammestrà megliu u prucedimentu di preparazione di e castagne. L’ogettivu hè di facilità a trasfurmazione di i frutti rispettendu i sapè fà antichi. Avè un seccu è un mulinu sopr’à locu, ghjè una rivuluzione pè l'agricultori, cusì e tappe di pruduzzione sò simplificate è guarantiscenu u pruduttu di prima trinca. U mulinu hè dinù u locu di l’agricultori chì cumencianu à addunissi pè riflette inseme à l’avvene. Infine, pè u merre Don Marc Albertini, stu prugettu riprisenta altru chè un’innuvazione tennica. Face a leia trà passatu è mudernità pè un avvene più sulidariu è prusperu.

Nutiziale culturale

Inaugurazione di u mulinu à castagne in Ghisoni

Evenimenti

Scuperta archeologica di prima trinca in Aleria

I laureati di u premiu di u libru corsu 2024 onorati

I dece anni di u spaziu Carlu Rocchi in Biguglia

Settembrinu di Tavagna

I cinquant'anni di a rivista Rigiru

Rubutiscola : l’unione di a lingua corsa è di a rubotica

STC : 40 anni !

Prima guerra mundiale: L'associu Aiò Zitelli mantene a memoria di i suldati corsi

L’estru canterinu d’Anghjula Potentini : vint'anni di carriera

Inaugurazione di u Centru d'Interpretazione di l'Architettura è di u Patrimoniu Aiacciu Bellu

I 20 anni di l’emissione Cabaret di RCFM

I 40 anni di a casa d’edizione Albiana

U catalogu di a mostra “Corsica 39-45 I Corsi è a seconda guerra mundiale', museu di Bastia

I 50 anni di a rivista Etudes corses et méditerranéennes à l’edizione Albiana-ACSH

Un novu diplomu di Statu di prufessore di musica tradiziunale è canti corsi

Sustegnu à RCF Corsica

SYVADEC : distribuzione d'assuvatoghji

A Cullettività di Corsica crea Ghjuventù, a nova appiecazione pè i giovani da 11 à 30 anni

I 30 anni di u Centru Culturale Universitariu

14 è 15 di lugliu di u 1755: Pasquale Paoli fù elettu Generale di a Nazione Corsa

Liami utili

Indirizzu

Rete suciale