Attualità

I procuratori francesi è taliani anu prisentatu una cunferanza in Marseglia, liata à tempu à l’umicidiu di Paul-Félix Paoli, tombu d’aostu 2023 è l’arrestazione d’un maffiosu talianu, Marco Raduano, arrestatu in Corsica, in Aleria, u 1mu ferraghju 2024, dop’à un annu di fughjita. St’ultimu hà palesatu esse l’autore direttu di l’umicidiu di Paul-Felix Paoli, è avè lu fattu in scambiu di servizii resi à membri di u muvimentu naziunalistu. I magistrati anu ripigliatu u filu di duie inchieste distinte, raghjunte à u favore di cunfidenze salutare secondu a ghjustizia.