Attualità

Jean-Baptiste Calendini novu direttore generale di a cullettività di Corsica

Jean-Baptiste Calendini hè statu numatu DGS. Un postu vacante dipoi nove mesi. Li tocca à operà una riforma prufonda di l’urganisazione di l’instituzione sott’à l’autorità di u presidente di l’esecutivu Gilles Simeoni chì chere di dà un soffiu novu à a magiurità territuriale. Sempre à l’Assemblea Giles Simeoni è Marie-Antoinette Maupertuis anu presentatu u rigalu rimessu à u Papa durante a so visita è creatu da Tony Casalonga, Mataé Martin Rossi è Dumè Santoni. Ghjè una medaglia rigalata à u nome di u populu corsu chì mette in risaltu a dimensione storica di stu viaghju è e leie trà u Papa, a Corsica è u Vaticanu.