Attualità

L’avvene di l’acqua d’Orezza in dibattitu à l’assemblea di Corsica

L’Assemblea di Corsica hè in sessione oghje è dumane. A u prugramma in particulare u prugettu di Sucetà d’interessu cullettivu per u sfruttamentu di a surgente territuriale d'Orezza. Una cuuperativa induve a CDC serebbe magiuritaria, assuciata à e cumune è intercumunalità di a regione, à l’associ di u territoriu, i salariati, è partenari privati. Un mudellu criticatu da Marie-Laurence Mora, chì sfrutta u situ dapoi a so ripresa d’attività in u 1998, è chì spera sempre un accordu cù Gilles Simeoni.