Attualità

Liga 2 : disfatta di u Sporting Club di Bastia è di l’ACA ; fine di cuntrattu cù Mathieu Chabert

U principiu di l’annu 2025 ùn hà micca riesciutu à e duie squadre isulane. U Sporting Club di Bastia hà persu eri in Grenoble 3 à 2 in l’ultimi minuti. A a classifica i bastiacci sò novesimi cù 22 punti.

Disfatta dinù per l’ACA in casa soia contr’à Annecy 2 à 1. L’aiaccini sò rileghevuli cun solu 15 punti.  U prussimu scontru si ghjucherà vennari u 10 di ghjennaghju è u SCB riceverà l’ACA in Furiani. Dopu a disfatta di l’ACA, i sustenidori anu dettu a so scuntentezza è i so penseri à Frank Leloup, direttore generale di a squadra. Una reunione cù a direzzione hè prevista luni à 6 ore à u campu di ghjocu Michel Moretti. D’altrò, sta mane a squadra è Mathieu Chabert nant’à un accordu cumunu anu messu un termine à u cuntrattu di l’allenadore.