Attualità

Papa Francescu hè mortu

L’annunziu hè statu fattu eri mane da u Vaticanu. Papa Francescu s’hè spintu à 88 anni. Era papa dipoi 2013 dop'à a demissione di Benedettu 16, è u primu papa latino americanu. Issa dumenica di Pasqua, hà fattu un apparizione surpresa à meza à a fola in Roma, parcorrendu a piazza Santu Petru à bordu di a so papa mobile. A so ultima preghera hè stata per a fine di tutti i cumbattiti nant'à tutti i terreni di cunflitti in u mondu. 

L’emuzione hè grande soprattuttu in Corsica induv’ellu avia fattu u so ultimu viaghju ufficiale u 15 dicembre scorsu. In u mondu sanu si rende umagiu à u spiritu fraternu di papa Francescu cunsideratu cume u Papa di i Poveri, chì benefiziava d’una grande popularità indè i fideli. Eri da Ghjerusaleme u Cardinale Bustillo li hà resu umaggiu, mettendu in risaltu a so simplicità è u so caratteru d’omu liberu.

Si principia oramai un periodu  di transizione cudificatu da a chjesa catolica, trà dolu, ceremuniale è elezzione di u so successore chì deverebbe principià da qui à duie settimane. U cardinale Bustillo ci participerà per a prima volta