Attualità

Preavisu di greva di l’agenti di a merria di Bastia

U preavisu di greva hè dipostu da l’intersindicale FO-STC-CGT. Si nisun accordu hè trovu, un muvimentu di greva hè annunziatu per u 28 di ghjennaghju à a merria di Bastia. U cunflittu cuncerna a rimpattera di u pudere di compra è un aumentu di 200 euri netti mensuali per tutte e categurie d’agenti. A situazione hè incrispita in merria di Bastia, à qualchi ghjornu di l’annunziu d’un cunflittu suciale chì cuncerna l’inseme di i servizii, è ch’ùn era più accadutu dipoi 25 anni.