Attualità

Prucedimentu d’autonumia : a missione parlamentare in visita in Corsica

A missione d’infurmazione nant’à l’avvene istituziunale di a Corsica hè in visita da u 5 à u 7 di ferraghju. Trè ghjorni di reunione di travagliu è di scontru cù l’eletti, l’istanze cunsultative, l’attori ecunomichi è i sindicati trà Bastia, Corti è Aiacciu, pè discorre di a riforma custituziunale chì puderebbe fassi durante l’annu. D’altrò, u novu ministru di a decentralisazione è di l’assestamentu di u territoriu, François Rebsamen, ghjunghje in Corsica da u 10 à u 12 di ferraghju. Hà digià parlatu parechje volte cù u presidente Gilles Simeoni. Si sprimerà nant’à u prugettu di lege chì puderebbe esse presentatu nanz’à l’estate sì u calendariu hè rispettatu.