Prucessu di l'affare Jessica Nassibian

Dopu à nove anni di prucedura, sta mane, ci hè statu u prucessu di u duttore Dominique Murgue è di l’uspidale d’Aiacciu pè a morte di Jessica Nassibian, u 5 d’aostu di u 2011 per via di un’embulia pulmunare. U procuratore di a Republica hà dumandatu sei mesi attempati contr’à u duttore è 5 000 euri d'amenda. 25 000 euri d'amenda contr’à l’uspidale. L’avucati di a difesa anu dumandatu ch’elli sianu assolti. U ghjudicamentu serà cunnisciutu u 9 di marzu.