Quinta edizione di u cuncorsu Lingua Materna sin'à u 31 di marzu

Site studiente è avete un prughjettu creativu chì pò valurizà a lingua è a cultura corsa ? Rispundite à a chjama à cuncorsu lampata da a Missione Creatività è da u CCU di l’Università di Corsica !Ogni prughjettu selezziunatu vincerà un premiu di 200€ da spende à a FNAC. Varie pruposte pussibile :- Spettaculu vivu,- Opera litteraria,- Ghjocu pedagogicu,- Mostra artistica,- Filmettu,  BD, - Valurisazione patrimuniale, Avvenimentu culturale creativu,Criterii di selezzione :- Adopru di a lingua corsa.- Interessu per à tramandera di a lingua è a cultura corsa.- Uriginalità è creatività di u prughjettu.- Pussibilità di realisazione in 3 mesi.- Capacità transdisciplinaria di mischià e cumpetenze, e discipline è l’arte.- Esse studiente à l’Università di Corsica.- Un studiente o una squadra di studienti pò prupone solu un’ prughjettu. Unu à dui prughjetti à u più seranu selezziunati da a ghjuria cumposta à u minimu di duie persone di u Centru Culturale Universitariu. Seranu prisentati publicamente à a fine di u mese di ghjunghju 2025, à u Spaziu Natale Luciani, incù una rimessa di premiu. E prupostu seranu ricevute finu à u 31 di marzu inclusu à l’indirizzi :direction.ccu@univ-corse.fr / creativite@univ-corse.fr Per esse adimessu, un prughjettu deve esse cumpostu di :- Un titulu. - Una prisentazione precisa di u prughjettu, di l’arnesi è di e risolse mubilizate.- Una spiegazione di a so messa in opera è di a so sbucinera sin’à u risultatu finale.

- I laureate s’ingaghjanu à dà i so diritti patrimuniali d’autori à l’Università di Corsica è a firmà un cuntrattu in issu sensu.

NB: A Missione Creatività CCU inquadrerà u prughjettu sin’à u so sboccu. L’Università di Corsica pò prupone un appoghju logisticu.