Attualità

SIA : A nova piataforma numerica per dichjarà u pusessu d’arme

À partesi da ferraghju, una piataforma numerica s’apre per dichjarà u pusessu d’arme (SIA : Sistemu d’Infurmazione nant’à l’Arme) per simplificà e dimarchje secondu u Statu. Certi ci vedenu un novu mezu di cuntrollu. In Corsica, 40 000 detentore d’arme (frà elle 20 000 cacciatori) sò cuncernati da u novu sistema chì s’apre  l’8 ferraghju à i cacciatori, di marzu à i tirori di ball trap, d’aprile à quelli in pusessu d’arme in lascita, di maghju à i tirori spurtivi, è di ghjunghju à i cullezziunisti. A u 30 di ghjugnu 2023, ogni persona detendore d’arme serà custretta à a creazione d’un contu persunale in u sistema SIA.