Nutiziale culturale

U best of Avà ! E preferite di I Muvrini

Cù u so best-of « Avà ! e preferite », I Muvrini rammentanu a so carriera in dui dischetti è 31 canzone: un primu discu cù una selezzione di e so migliore canzone senza accumpagnamentu è un secondu cuntenendu i so più belli duetti.

Tutte ste canzone simbuliseghjanu u viaghjone chì hà permessu à u gruppu di tesse sta leia unica cù u publicu dapoi a fine di l'anni settanta è di cantà cù artisti meravigliosi : Véronique Sanson, Tina Arena, Luz Cazal, Sting, Grand Corps Malade, MC Solaar, Thomas Dutronc, e Pulifunie Ebraiche, i 500 Curisti… è  i giovani canterini d'un cullegiu di Corsica pè dui tituli novi. Tanti nomi, tanti singulari pè dì l'unità ind'a diversità.