Nutiziale culturale

U Festivale Bastia, cità digitale da u 14 à u 19 d’ottobre

Venite in famiglia o trà amichi pè scopre a diversità di u numericu è divertevi à u primu evenimentu di u numericu di Corsica.

L’evenimentu si fonda quist’annu nant’à l’attelli di scuperta di u numericu pè un publicu sculare è assuciativu. Dopu, a Lupinu Factory, vera festa di quartieru 2.0 sabbatu u 20 da duie ore à cinqu’ore nant’à e tenniche di nova generazione in leia cù e rete suciale è i siti internet. I scontri è reunione pruposti à un publicu pè un’utilisazione intelligente, sicurisata è emancipatrice di l’arnesi di u numericu. Avemu dinù reunione/dibattitu nant’à u tema “esse genitori à l’epuca di u numericu” sabbatu u 20 d’ottobre à 3 ore à L’Alb’oru. Interesserà genitori è figlioli pè stà à sente, discorre nant’à e so interrugazione cù un cunsiglieru numericu. I temi sò : infurmazione è disinfurmazione (fake news), ghjochi video, rete suciale, una cunferenza nant’à l’intelligenza artificiale, è i primi scontri di u spiritu criticu. Dopu, l’attelli d’iniziazione à l’arti è mistieri di u numericu sò previsti da u 14 à u 18 d’ottobre. Cusì, i sculari scoprenu e tenniche di creazione numerica, e pratiche numeriche, mistieri d’avvene :avemu attelli di robotica, grafismu, disegnu industriale sunoru, spiritu criticu, cudifichera… L’attelli d’educazione à i media è à l'infurmazione permettenu di cunnosce u prublemu di a disinfurmazione, di sviluppà u so spiritu criticu pè aduprà internet è e rete suciale cum’ellu ci vole. Altri attelli permettenu di capì è ammaestrà e mudalità di creazione cartugrafica. 

L’associu Emaho prupone dinù un prugramma di scontri, cunferenze è reunione. Luni u 14 è marti u 15 d’ottobre à l’Alb’Oru, ci serà l’Usina à Prugetti cù un publicu sculare è iscrizzione obligatoria. Cusì, classe di i cullegi è licei rifletteranu durante una ghjurnata à a creazione di prugetti innuventi pè migliurà a vita i so quartieri. Cusì, si trasmette u spiritu di cuuperazione. 

Ghjovi u 17 d’ottobre à l’Alb’Oru, ghjurnata di cunferenze è reunione nant’à  l’Intelligenza Artificiale.
Sta ghjurnata principierà cù a definizione di st’intelligenza è e so appiecazione, l’imbusche è l’effetti di sta tennulugia nant’à a nostra vita d’ogni ghjornu grazia à reunione è demustrazione cù prufessiunali è studianti. Una vera immersione pè scopre precisamente l’IA da i so fundamenti à e so cunsequenze nant’à  sucetà. 

Sempre u 17 d’ottobre, à a casa di e scienze da 9 ore à 5 ore, ghjurnata immersiva web designer pè scopre l’universu affascinante di u web design è i secreti di u cuncipimentu visuale cù Armand Luciani. I primi cuncernati da sta ghjurnata sò l’intrapresarii, studianti in ricunversione o in ricerca d’impiegu, liceani.

Altru appuntamentu venneri u 18 è sabbatu u 19 d’ottobre cù iscrizzione: Bastia cità digitale accuglierà i primi scontri di u spiritu criticu itineranti nant’à u Sportu è a salute. Attelli, spettaculi, cunferenze, reunione, mostra à u prugramma. Un attellu pè capì a necessità di u so spiritu criticu ind’un mondu di disinfurmazione, d’idee false, di cumpurtamenti micca adatti. Sti scontri si passanu à à l’Alb’Oru pè tutti cù iscrizzione.

Infine, una serata di chjuditura in i giardini di u museu di Bastia sabbatu u 19 d’ottobre à parte da 7 ore organisata da Émaho Corsica, Lake of Confidence, Ribella è I Fuletti chì scalderanu e notte fresche di u vaghjime bastiacciu.  L’artisti lucali invitati sò Jess, Skahr, Workerz è Pasqua Pancrazi. In più, da beie è da manghjà cù robba bona chì face prò à a salute.

Infurmazione è iscrizzione : www.ville-digitale.corsica.