Attualità

U partitu Nazione svela a 42sima edizione di e ghjurnata internaziunale

U partitu indipendentistu Nazione hà presentatu a 42a edizione di e Ghjurnate Internaziunale di Corti, è ramenta a so pruposta d’un “ceppu eletturale legitimu” in Corsica. L'ogettivu hè di “pupularisà pruposte pulitiche pè una strategia nova di u muvimentu naziunale” . 

Delegazione di Catalogna, Kabilia, Sardegna è Brittagna sò invitate à isse ghjurnate induve serà evucata dinù a dimarchja di Nazione pè fà entre a Corsica in i territorii di l’ONU micca autonomi à sculunisà. 

Pè Nazione, a definizione d’un ceppu eletturale legitimu hè necessaria vistu a prugressione in Corsica di u RN chì indetta a “culunisazione di pupulamentu” è un “votu cumunitaristu francese”. 

Messaghji so stati mandati à l’altre furmazione naziunaliste, in particulare Femu a Corsica, pè fà l’unità ingiru à una strategia nova.