Nutiziale culturale

U primu cuncorsu “L’isula di e voce” sabbatu u 23 di nuvembre in Purtivechju

Imaginatu da Delia Culioli o Delia Lucia nant’à a scena è Brice Colombier, stu cuncorsu di cantu adduniscerà vinti amatori selezziunati grazia à un casting. A canterina a più giovana hà sei anni ma hà digià una voce magnifica cum’è numerose altre persone, frà elle sei zitelli. Ghjunti da a Corsica sana, pruveranu à vince l’arrigistramentu d’un titulu. Un cuncorsu natu da a voglia di fà altr’affare nant’à a scena, di fà un travagliu di creazione, di scuntrà canterini pè susteneli è pruduceli. Cusì, hè natu u cuncorsu “L’isula di e voce” sabbatu u 23 di nuvembre à parte da 7 ore in a sala rossa di u spaziu Jean Paul de Rocca Serra in Purtivechju.

I giovani canterini interpreteranu una canzona pè cunvince a ghjuria di prufessiunali di musica. Ci truvemu Corinne Gualda-Masson, specialistu di materiale di musica, u canterinu Jacques Culioli, Brice Dacquin di a radiu NRJ, u gruppu Suarina, a parullaghja Ariane Quatrefages, u puetu Jean-Frédéric Terrazzoni, u situ internet d’ascoltu di musiche corse Kscolta.corsica è un riprisentante di a cumuna di Purtivechju.

A canzona chì vince serà intesa à a radiu, arrigistrata è cù materiale di musica prufessiunale. Eppuru, in stu cuncorsu, ùn hè micca veramente una cumpetizione. Certi di st’artisti ùn sò mai cullati nant’à a scena davant’à un publicu. Dunque, li hè pruposta sta pussibilità è à tempu di fassi cunnosce. I canterini anu un universu sfarente è micca tutti u listessu livellu. Si senteranu canzone corse, francese, inglese… Si pò cumprà e piazze u ghjornu di u cuncorsu o riservalle à u 06 16 60 14 89.