U Tempu
20 di nuvembre
Cupertu è ventosu
Ci so numerosi nuli sta mane soprattuttu in facciata uveste induve a cupertura nivulata hè più zeppa è pò occasiunà qualchi acquata nant'à i rilievi, chì s'intensificheghjanu è ponu trabuccà nant'à u curtinese.
In u dopu mezionru u sole hè più generosu in facciata este, ma u tempu ferma appannatu in facciata uveste, ancù si l'acquate calanu.
Soffia u libecciu assai vigurosu nant'à a gran parte di l'isula, incù viulente sbuffulate nant'à a Balagna, u Capicorsu, u rughjone bastiacciu, l'alti rilievi, u stremu sudu, l'altu Fium'Orbu è i capi sposti di a costa uveste.
Un mare hè forte à assai forte nant'à a costa uveste è in e bocche di Bunifaziu.
E timperature massimale vanu da 17 à 21° nant'à a costa este, 15 à 18 gradi in facciata uveste, 13 à 16° à l'interiore, è trà 10 è 13° in i paesi di muntagna.
- in cità di Bastia, a pressione atmusferica era di 1002 milibari, u percentuale d'umidità di 61 è a timperatura di 19°
- in Calvi, una timperatura di 17°, una pressione atmusferica di 1002 milibari è 72 percentu d'umidità
- in Aiacciu, strada di e Sanguinarie, una timperatura di 18°, 72 percentu d'umidità è una pressione atmusferica di 1005 milibari
